Connect with us

Sport

Supergoli i Cadrevas ndaj Udinezes shpallet më i miri i muajit tetor në Serie-A

Published

on

Goli i anësorit të Sampdorias, Antonio Candreva, nga një distancë shumë e madhe, është shpallur goli më i mirë i muajit në Serinë A për muajin tetor.

Goli i italianit erdhi nga një aksion që nuk pritej shumë në “Marassi” duke e befasuar portierin kundërshtar.

Candreva pranoi një pasim në krahun e djathtë të fushës, ngriti sytë dhe lëshoi një goditje të fuqishme me këmbën e djathtë që përfundoi në këndin e sipërm të portës, duke e lënë portierin Marco Silvestri pa asnjë shans për të reaguar.

Ky gol i kishte dhënë Sampdorias epërsinë 3-2, përpara se Fernando Forestieri të barazonte në 3-3 në javën e 7-të të kampionatit italian.

Continue Reading

Sport

Hidhet shorti i Kupës së Kosovës, këto janë çiftet çerekfinaliste

Published

on

Sot, në ambientet e Federatës së Futbollit të Kosovës (FFK) është mbajtur ceremonia e hedhjes së shortit të Kupës së Kosovës, ku tanimë kemi mësuar çiftet e fazës së çerekfinales.

Kjo garë është bërë më e rëndësishme për të gjitha skuadrat të cilat kanë mbetur, pasi që fituesi siguron biletën drejt garave evropiane.

Nga shorti i hedhur, dy përballjet më interesante do të jenë me skuadra nga Superliga e Kosovës, ku Prishtina pret në shtëpi Drenicën, kurse Malisheva zhvillon si mysafire kundër Ballkanit.

Ndërkaq, kampioni aktual i kësaj gare Llapi do të përballet si mysafirë kundër skuadrës së Ferizajit, kurse finalisti i edicionit të kaluar Dukagjini do të zhvillojë ndeshje në udhëtim kundër Gjilanit.

Ndeshjet e Kupës së Kosovës zhvillohen në fillim të vitit të ardhshëm, ndërsa fituesi i ndeshjes siguron biletën tutje pasi që në këtë fazë të kësaj gare nuk ka ndeshje të kthimit.

Çiftet çerekfinaliste të Kupës së Kosovës i gjeni më poshtë.

1/8 e Kupës së Kosovës

Gjilani – Dukagjini

Ulpiana – Arbëria

Ferizaj – Llapi

Prishtina – Drenica

Ballkani – Malisheva

Onix – KEK-u

Fushë Kosova – Drita

2 Korriku – Ramiz Sadiku

Continue Reading

Sport

Milani kërkon me çdo kusht kualifikimin, pret në shtëpi Liverpoolin

Published

on

Me fillim nga ora 21:00 do të fillojë derbi mes skuadrës italiane AC Milan dhe gjigandit anglez Liverpool, e vlefshme kjo për xhiron e gjashtë të fazës së grupeve në Ligën e Kampionëve.

Ndeshja e sotme do të jetë tejet e rëndësishme për “Rossonerët” ku vetëm fitorja ndaj Liverpoolit mund t’ia sigurojë biletën drejt eliminatoreve.

Po ashtu, Milani do të mbajë shpresa që takimi mes Portos e Atletico Madridit të përfundojë me barazim, në mënyrë që të sigurohet kualifikimi tutje.

Në xhiron e fundit, Milani shënoi fitore me rezultat minimal 1:0 kundër Atletico Madridit, kurse Liverpooli e mposhti me rezultat solid 2:0 skuadrën e Portos.

Momentalisht, pas pesë ndeshjeve të zhvilluara në Grupin B, Liverpooli veçse ka siguruar kualifikimin tutje, ku pozicionohet në vendin e parë me 15 pikë, kurse Milani zë vendin e tretë me gjithsej katër pikë, vetëm një sosh larg vendit të dytë Portos.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Milanin nuk do të paraqiten Calabria, Castillejo, Giroud, Kjaer, Leao, Pellegri, Plizzari dhe Rebic, kurse te Liverpooli do të mungojnë Elliot, Firmino, Jones dhe Milner.

Formacionet e mundshme të dy skuadrave i gjeni më poshtë.

AC Milan (4-2-3-1): Maignan; Kalulu, Tomori, Romagnoli, Hernandez; Kessie, Tonali; Saelemaekers, Diaz, Krunic; Ibrahimovic

Liverpool (4-3-3): Alisson; Williams, Konate, Van Dijk, Tsimikas; Morton, Henderson, Oxlade-Chamberlain; Salah, Origi, Minamino

Grupi B

21:00 AC Milan – Liverpool (Stadiumi San Siro)

Continue Reading

Sport

Me ceremoni shtetërore sot pensionohet Majlinda Kelmendi

Published

on

Xhudistja kosovare Majlinda Kelmendi edhe zyrtarisht sot do të pensionohet nga të gjitha aktivitetet e saj si xhudistë aktive.

Me këtë rast, do të organizohet një ceremoni nga presidentja e Kosovës Vjosa Osmani e cila do të mbahet ne Institutin “Ali Hadri” në Prishtinë, me fillim ne ora 18:00.

Majlinda pati arritje të mëdha në skenën botërore të xhudos ku gjatë karrierës së saj ka koleksionuar 46 trofe shumë të rëndësishme në këtë sport.

Kelmendi i ka fituar 32 medalje të arta në gara të mëdha të xhudos gjatë karrierës, 6 të argjendta dhe 8 të bronzta.

Ajo do të largohet pas një karriere jashtëzakonisht të shquar, si kampione olimpike, kampione botërore (2 herë) dhe kampione kontinentale (4 herë).

Kelmendi do të mbahet mend si njëra prej atleteve më të mira shqiptare, grua apo burrë, dhe si sportistja e parë që ia siguroi Kosovës një medalje olimpike, pasi e shkroi historinë në Rio 2016 kur e fitoi medaljen e artë në xhudo në kategorinë 52 kilogramë.

Së fundi ajo mori pjesë në Lojërat Olimpike Tokio 2020 ku pësoi disfatë dëshpëruese në rrethin e parë në kategorinë 52 kilogramë.

Ajo tashmë është angazhuar si trajnerë e këtij sporti përkrah trajnerit Driton Kuka.

Continue Reading

Trending

Listen online now, the sound of Prishtina