Connect with us

Sport

Robin Haxhi Krasniqi: Gjyqtarët ilegalisht shpallën Boesel kampion

Published

on

Boksieri kosovar Robin Haxhi Krasniqi të shtunën e kaluar boksoi kundër Dominik Boesel për ta mbrojtur titullin e IBO, ku kjo ishte përballja e dytë mes boksierit kosovar dhe atij gjerman.

Pas 12 raundeve të zhvilluara, me një dominim të qartë nga Krasniqi, pas vendimit të gjyqtarëve, Dominik Boesel arriti t’ia marrë nga duart titullin e kampionit Krasniqit, vendim ky që për shumë shikues ishte kontrovers.

Pas kësaj humbje jo të merituar, sot ka reaguar Krasniqi përmes llogarisë së tij “Facebook”, ku ka thënë që Boesel në mënyrë ilegale është shpallur kampion.

“Në karrierën time të gjatë si boksier profesionist, kam përjetuar dëshpërime, por deri tani dëshpërimin më të madh në jetë e përjetova të shtunën e kaluar, ku nga vendimi i gjyqtarëve, në mënyrë ilegale e shpallën kundërshtarin tim Dominik Bosel fitues”, shkruante Krasniqi në Facebook.

“Ky nuk është vetëm opinioni im ose i ekipit tim, por gjithashtu opinioni i më shumë se gjysmës së shikuesve në sallë, opinioni i miliona TV shikuesve, opinioni i shumë kolegëve dhe trajnerëve, dhe opinioni i shumë ekspertëve dhe gazetarëve të ndryshëm përgjatë Evropës “, shkruante më tij në postimin e Krasniqit.

Po ashtu, boksieri kosovar fajësoi edhe gjyqtarin i cili ishte brenda ringut, duke treguar se shumica e vendimeve të tij ishin në krahun e Boesel.

“Përveç rezultatit skandaloz të gjyqtarëve, ishte edhe një gjyqtar jo i ndërgjegjshëm brenda ringut, i cili lejoi shumë grushte ilegale, prapa kokës dhe me pjesën e bërrylit, nga ana e kundërshtarit tim pa i hequr ndonjë pikë. Këto janë disa nga faktet që tregojnë që vendimet e gjyqtarëve jashtë ringut, dhe atij brenda ringut nuk kanë qenë të drejta, ose neutrale, dhe ky lloj nuk duhet të lejohet në sportin tonë”, tha Krasniqi.

Në fund, Krasniqi tregoi që nuk do të jetë humbësi i kësaj beteje, ku veçse ka marrë hapin e parë duke protestuar drejt organeve kompetente, dhe shtoi që është optimist dhe shpreson që do të marrë përgjigje pozitive rreth kësaj situate.

Sport

Premier Liga angleze, derbi mes Leicester e Manchester United

Published

on

Premier Liga angleze vazhdon sot me disa ndeshje tejet interesante në kuadër të xhiros së tetë të sezonit të ri 2021/22.

Ndeshja hapëse e kësaj xhiroje do të jetë mes skuadrës së Watford dhe gjigandit anglez Liverpoolit, ku ky i fundit do të jetë mysafirë në stadiumin “Vicarage Road”.

Kurse, derbi në programin e sotëm do të jetë ai mes Leicester Cityt dhe Manchester United, ku në këtë ndeshje të dy skuadrat rikthehen nga barazimet në javën e fundit të zhvilluar.

Pas shtatë ndeshjeve të zhvilluara, tabelën e kryeson skuadra e Chelseat me 16 pikë, një më pak se Liverpooli në vend të dytë, kurse Top 4 e mbyllin Manchester United dhe Manchester City në kuotën e njëjtë të pikëve, gjithsej 14 sosh.

Në anën tjetër, në fund të tabelës gjenden Burnley dhe Newcastle me nga tre pikë, kurse Norwich zë vendin e fundit me vetëm një pikë të arkëtuar.

Continue Reading

Sport

Sot zhvillohen edhe tre ndeshje në kuadër të Superligës së Kosovës

Published

on

Xhiro e nëntë e Superligës së Kosovës do të vazhdojë sot, ku në program do të zhvillohen edhe tre ndeshje tejet interesante.

Fokusi do të jetë te përballja mes Gjilanit dhe Ballkanit, ku të dy skuadrat i ndan një vend në tabelë dhe tre pikë.

Po ashtu, ndeshje interesante do të jetë edhe ajo mes kampionit aktual të Superligës së Kosovës Prishtinës dhe kampionit të Kupës së Kosovës, skuadrës së Llapit.

Pas tetë xhirove të zhvilluara, Ballkani renditet në pozitën e dytë në tabelë më 16 pikë, tre më shumë se kundërshtari i sotëm Gjilani që zë vendin e tretë.

Në anën tjetër, skuadra e Prishtinës këtë sezon nuk po tregon formë të mirë, ku pas tetë ndeshjeve zë vendin e gjashtë në tabelë me 10 pikë, kurse skuadra e Llapit gjendet e fundit në tabelë me vetëm 6 pikë.

Programin e plotë të ndeshjeve të sotme në Superligën e Kosovës e gjeni më poshtë.

13:00 Dukagjini – Malisheva (Stadiumi 18 qershori)

13:00 Gjilani – FC Ballkani (Stadiumi i qytetit të Gjilanit)

13:00 Prishtina – KF Llapi (Stadiumi Fadil Vokrri)

Continue Reading

Sport

Reagojnë “Dardanët”: Suksese pasardhësit, falënderime trajnerit Challandes

Published

on

Sot, Federata e Futbollit të Kosovës ka njoftuar që trajneri Bernard Challandes nuk do të jetë më trajneri i Kombëtares së Kosovës.

Pas 40 ndeshjeve si trajner i ekipit A të Kosovës, Challandes ka regjistruar 17 fitore, tetë barazime dhe 16 humbje.

Në lidhje me këtë rast ka reaguar edhe tifo-grupi kosovar “Dardanët”, të cilët e falënderuan Challandes për kontributin e dhënë drejt Kosovës, dhe i uruan suksese pasardhësit të tij në kombëtare.

“Lamtumirat nuk janë asnjëherë momente të gëzueshme, sa janë çast i mirë për reflektim. Ne, tifozët e Kosovës, Bernard Challandes’in dëshirojmë ta falënderojmë për kontributin që dha te Kosova, me aq sa mundi të na ndihmojë. Çdo cikël e ka fundin e tij. I Challandes preku fundin, mirëpo ne do ta respektojmë për momentet e delirit që përjetuam nën drejtimin e tij në disa faza të caktuara”, shkruante në postimin e “Dardanëve” në “Facebook”.

“Nga trajneri i ri dhe zyrtarët që do të punojnë me të, presim rezultate konform pritshmërive objektive, qasje serioze dhe profesionale, si dhe zell të punës. Suksese pasardhësit, ndërsa trajnerit Challandes – faleminderit dhe shëndet”, shkruante më tej në postimin e “Dardanëve”.

Nën drejtimin e Challandes, në tre ndeshjet e fundit që Kosova i zhvilloi, regjistroi humbje kundër Kombëtares së Spanjës, Suedisë dhe asaj të Gjeorgjisë.

Continue Reading

Trending

Listen online now, the sound of Prishtina