Connect with us

Life

Pesë mënyra për ta rikthyer besimin në punë

Published

on

Besimi është ai që e mban të bashkuar kompaninë dhe e bën një kulturë të suksesshme brenda saj. Prandaj, edhe konsiderohet kaq themelor për të krijuar mjedis të lumtur të punës. E kur besimi një herë thyhet atëherë është e vështirë për ta fituar edhe njëherë

Në një kompani ku nxitet komunikimi transparent, motivohen punonjësit, bëhet arritja e qëllimeve, fuqizimi dhe angazhimi i punonjësve, pra në këto vende besimi në punë është parësor. Pa të, asnjëra nga këto e as të tjerat nuk ndodhin.

E nëse për një arsye ose tjetrën keni bërë diçka që ua ka zbehur besimin në vendin tuaj të punës, atëherë mund t’i bëni këto veprime të cilat do të kenë ndikim pozitiv.

Kërkoni falje që keni gënjyer

Nëse besimin që e kanë pasur në ju, e keni thyer sepse keni gënjyer, duhet që ta pranoni që keni gënjyer dhe të kërkoni falje sinqerisht dhe me përulësi. Asnjë zgjedhje tjetër nuk do të ndihmojë në rifitimin e besimit në qoftë se nuk tregoni që jeni të vetëdijshëm për gabimin e bërë.

Nëse dëshironi që ta tregoni edhe arsyen përse keni gënjyer mund ta bëni, por rrezikoni që të dukeni sikur po e justifikoni veten. Nuk ka asnjëherë një arsye të qëndrueshme pse njerëzit gënjejnë në vendin e tyre të punës.

Qëllimi i kërkim faljes është që ta rregulloni formën më të keqe të shkatërrimit të besimit, atë të gënjeshtrës së hapur. Kolegët gjithmonë e dinë, ose mund ta kuptojnë që keni gënjyer, prandaj kolegët e mençur nuk do të të besojnë edhe njëherë. Kështu që, për ta rikthyer besimin duhet kërkim falja dhe ndjenja e fajit njëkohësit. Përndryshe, ç’kuptim do të kishte?

Kërkoni falje për gjërat që nuk i keni menduar

Tregimi i vetëm një pjese të së vërtetës është gjithashtu gënjeshtër. Lënia jashtë e disa detajeve të historisë nuk do të ketë ndikim të mirë tek asnjë koleg. Ata nuk do të besojnë që e tregoni të gjithë historinë dhe do të parashikojnë që edhe në të ardhmen do të tregoni gjëra të lëna përgjysmë. Kolegët do të mendojnë që po bëni përpjekje për t’u çliruar nga ndonjë gënjeshtër.

Vini re përpjekjet dhe dështimet tuaja

Në disa raste nuk do të mundesh ta ndjekësh gjithë rrjedhën e punës, në fund të fundit, je njeri. Por duke e ditur ndikimin e veprimeve tuaj në funksionimin e punës, veçanërisht nëse keni rol drejtues, duhet ta vini re stagnimin tuaj (në mos dështimin). Ndoshta punonjësit ose ndonjë bashkëpunëtor i juaji ka reaguar që veprimet tuaja nuk përputhen me vlerat ose vizionin e kompanisë. Mbase e keni vërejtur edhe vetë.

Por, në çfarëdo forme që e merrni mesazhin, nëse veprimet tuaja janë ndryshe nga pritshmëritë, duhet që t’i keni parasysh pakënaqësitë. Vetëdijesimi është mirë, dhe këtu fillon gjithçka, por është jashtëzakonisht rëndësishme të mendoni sesi do t’i ndryshoni veprimet.

Bëjani me dije këtë bashkëpunëtorëve dhe tregoni që ju e mirëprisni çdo vërejtje që ata tash dhe në të ardhmen, për veprimet tuaja!

Deklarata juaj e sinqertë se si do ta ndryshoni sjelljen, e ndjekur nga përpjekjet e dukshme për të ndryshuar, do të tregojë përkushtimin tuaj për të adoptuar sjelljen e dëshiruar.

Kompensoni për dështimin

Është shumë e lehtë që të devijosh nga parashikimet. Por, duhet ta keni parasysh që zgjerimi i tepërt dhe premtimi i madh i shpërblimeve mund ta dëmtojë rëndë besimin. Nëse si një udhëheqës kërkoni shumë nga punonjësit për t’i plotësuar disa objektiva të cilat janë të pamundura, çfarë do të mund të bëjnë në këtë rast punonjësit? Me parashikime të tilla qiellore punonjësit do të ndihen të kërcënuar me humbjen e mjeteve të tyre të jetesës dhe nuk do të kenë më besim te menaxhmenti, në atë që bën apo thotë. Si do të funksionojë kompania, nëse punonjësit nuk besojnë në udhëheqësit e tyre?!

Pyetja tjetër është se si do ta riktheni besimin? Në të tilla raste vendosni një qëllim të arritshëm për secilën javë që vjen. Duke i plotësuar ato javë pas jave, stafi do të fillojë të besojë përsëri. Pra, rruga më e mirë është të shmangni përfshirjen e vetes ose të organizatës suaj në premtime të tepërta.

Përmbledhje mendimesh rreth rindërtimit të besimit në punë

Besimi në punë shkatërrohet në forma të ndryshme, nuk është vetëm gënjeshtra, gjysmë gënjeshtra, e as vetëm premtimet e pa mbajtura. Por, cilado qofshin arsyet, pranimi i tyre është hapi i parë për përmirësim. Nuk është vetëm dëshira për besim në punë si një qëllim në vetvete, një vend pune në të cilin punonjësit përjetojnë besimin është një vend pune i suksesshëm.

Aty ky ekziston përnjëmend fjala “besim” punonjësit mund të veprojnë me çiltërsi dhe pa hezitim. Provat dhe përpunimi i fjalëve janë të panevojshme pasi punonjësit komunikojnë pa frikë nga hakmarrja. Mendimet nuk mbahen ose monitorohen bazuar në atë se kush është i pranishëm për t’i dëgjuar ato. Prandaj, aty është një mjedis i rehatshëm për inovacion dhe arritje, sepse nuk ekziston frika

Life

Diferenca në moshë nuk e pengon dashurinë

Published

on

Dashuria nuk njeh moshë, është një nga thëniet që shpesh herë e kemi dëgjuar. E se dashuria nuk njeh  moshë këtë më së mirë na kanë dëshmuar çiftet e Hollywood-it të cilët kanë diferencë të madhe mes tyre por kjo nuk i ka penguar për lidhjet e tyre.

Listën fillojmë me çiftin e njohur: Mick Jagger & Melanie Hamrick

 David Foster & Katharine McPhee

Steven Tyler & Aimee Preston

Madonna & Ahlamalik Williams

Continue Reading

Life

Vendet që duhet të vizitoni gjatë 2022-it sipas shenjës suaj të horoskopit

Published

on

Sapo kemi hyrë në vitin 2022 dhe keni mjaftueshëm kohë të vendosni për vendin e pushimeve. Të zgjidhni një udhëtim duke dëgjuar yjet, është gjëja më ë mirë që mund të bëni. Sipas “Skycanner” bazuar në karakteristikat e shenjave të horoskopit vendet që duhet të vizitoni janë këto:

Dashi: Tenerife

Për Dashin ky vit do të jetë i mbushur me pasion, zbulime të reja dhe dashuri me shikim të parë. Përse të mos e prisni dashurinë në Tenerife, nën hijen e një palme?

Demi: Helsinki

Ky vit për të lindurit në shenjen e Demit do të jetë një vit në kërkim të stabilitetit. 2022 do të jetë për ju një vit i qetë, reflektues. Nuk ka vend më të mirë se një qytet mikpritës e kreativ, peisazhet e borës që mundëson Helsinki do të jenë frymëzim për ju.

Binjakët: Pekin

2022 për Binjakët do të sjellë shumë kënaqësi dhe arritje objektivash, do të shkoni përtej limiteve. Dhe ja sepse udhëtimi në Pekin do të ishte ideali, mes një shëtitje në “Murin e Madh Kinez” dhe një selfie në sheshin më të madh në botë “Tienanemen” do të bënin që të mbanit mend gjatë vitin 2022.

Gaforrja: Zanzibar

2022 do të jetë viti që do të sjellë mjaft kënaqësi për nga pikëpamja profesionale. Dhe riparimi i energjive, para se të zhyteni sërish në rutinë është i rëndësishëm. Prandaj ‘Skyscanner” për ju këshillon Zanzibarin. Është vendi ideal për të rigjeneruar dhe gjetur diçka të bukur për zemrën tuaj.

Luani: Marrakesh

Për Luanin, 2022 do të jetë një vit në kërkim të dashurisë, mes pasionit dhe rikthimit të dashurive të vjetra. Marrakeshi është mjedisi ideal i cili ofron mjedisin romantik dhe ekzotik i cili do iu surprizojë me të vërtetë.

Virgjëresha: Bali

Të gjithë ju që i përkisni shenjës së Virgjëreshës, në vitin 2022 do të viheni në provë. Është e rëndësishme të qëndroni larg zënkave dhe polemikave në familje dhe në punë. Bali është vendi i duhur për të gjetur paqen e brendshme, një shëtitje në zemër të ishullit dhe pak sërf në brigjet e Ovest do të ishin ideale.

Peshorja: Porto

Viti 2022 për Peshoret do të jetë viti që do të shpërbleheni për sakrificat e vitit që lamë pas. Do të vijnë surpriza dhe do t’ju kthehet entuziazmi, por edhe pak nostalgji. Udhëtimi ideal është Porto, qyteti në Portugali i cili është një ndërthurje e kënaqësisë, kreativitetit, ushqimit të mirë dhe klimës.

Akrepi: New York

Të angazhuar në mijëra punë dhe që shpesh humbisni rastet më të mira, duhet një qytet me stimuj dhe plot energji. Qyteti ideal është New York-u.

Shigjetari: Praga

2022-shi për ju që i përkisni shenjës së Shigjetarit do të jetë viti i konfirmimeve në aspektin personal, por edhe me zhvillime të rëndësishme lidhur me jetën profesionale. Një udhëtim drejt Pragës për të forcuar një lidhje miqësie. Ose mund të shkoni me njeriun e zemrës për të ndezur pasionin mes jush.

Bricjapi: Moskë

Triumfe, suksese në punë, objektiva të arritura, kështu do të jetë viti 2022 për Bricjapët. Destinacioni ideal është Moska, me “Sheshin e Kuq” dhe monumentet e shumta për t’u vizituar.

Ujori: Amsterdam

Ujori është shpirti i lirë, plot me energji. Dhe vitin 2022 e prisni me dëshirë dhe kreativitet. Ky është rasti i duhur për të shkuar e për të zbuluar Amsterdamin, një qytet plot energji.

Peshqit: Katania

Njerëzit që i përkasin shenjës së Peshqve kanë nevojë të gjejnë frymëzim për projekte të reja. Për të eksploruar horizonte të reja iu këshillojmë Katanian, një vend i bukur ku ndërthuren shumë kultura.

Continue Reading

Life

Tigani më i madh në botë

Published

on

Pjesë e librit të Rekordeve Guiness do të jetë edhe një tigan madhësia e te cilit është, 18 metra. Madhësia e tij e bënë atë më të madhin në botë. Ky tigan është parë gjatë transportit në Tennesse të SHBA-së.

Ai ishte duke u dërguar në Muzeun e Gize-s Lodge, i krijuar vetëm për atraksion.

“Muzeu do t’u ofrojë vizitorëve nga e gjithë SHBA-ja një destinacion për t’u zhytur në historinë e krijimit të disa produkteve nga giza, gazimin me gizë dhe kulturën e fuqishme që e rrethon”, thuhet në njoftimin e muzeut.

Ky muze është në ndërtim e sipër dhe për publikun pritet të hapet në fund të verës së këtij viti.

Continue Reading

Trending

Listen online now, the sound of Prishtina