Connect with us

Lajmet

Paper Radio – Radioja më e re në vend

Published

on

Një radio e re erdhi në kryeqytet! Një media e re filloi punën, për të plotësuar skenën mediale të vendit. Paper Radio është mediumi që do t’ua sjellë argëtimin dhe informacionet që i preferoni.

Me qëllim promovimi të vlerave të mira, të kulturës, muzikës e artit, Paper Radio, nga e hëna do të jetë shoqëruesi i juaj kryesor. Radioja do të ofrojë program 24 orësh dhe do të jetë në shërbim të dëgjuesve, e më vonë edhe të shikuesve, në çdo ditë të javës.

Çdo mëngjes, me juve do të jetë Berat Miftari me programin e mëngjesit, nga ora 7:30. Gjatë ditës do të transmetohen edhe edicionet e lajmeve, me të rejat e fundit nga vendi, bota, kultura e sporti. Gjithashtu, gjithçka do të mund të gjeni edhe në ueb-faqen e Paper Radio, www.paperonair.com, ku mund ta ndëgjoni LIVE në mbarë botën.

Do të fillohet vetëm me emisionin e mëngjesit dhe skema do të pasurohet edhe me shumë emisione të tjera.

Numërojmë katër ditë festë drejt Vitit të Ri.

91.1 FM – LIVE from Prishtina!

Lajmet

Kosova e treta në Ballkan për karate

Published

on

Kombëtarja e Kosovës në karate, ka fituar medaljen e bronztë në Kampionatin Ballkanik të karatesë, që u mbajt në Poreç të Kroacisë.

Karateistët nga Kosova mposhtën Malin e Zi, humbën nga Turqia, ndërsa në luftën për medalje mundën Bullgarinë.

Kosova fitoi edhe tri medalje tjera në individuale. Elhami Shabani fitoi të argjendtën, ndërsa Herolind Nishevci e Fortesa Orana të bronztën.

Continue Reading

Lajmet

Deri në ora 15:00 votuan rreth 27 për qind e qytetarëve

Published

on

Kryetari i Komisionit Qendror të Zgjedhjeve, Kreshnik Radoniqi, ka thënë se deri në ora 15:00 kanë votuar 26,95% e qytetarëve me të drejtë vote.

Radoniqi ka thënë se procesi i votimit po vazhdon në të gjitha vendvotimet dhe se votimi në përgjithësi është duke vijuar pa ndonjë problematikë me rëndësi për raportim.

Komuna e Zveçanit është komuna me përqindjen më të lart të votueseve deri tani me 56.91%.

Qendrat e votimit janë hapur në ora 07:00 dhe mbyllen në ora 19:00, ndërkaq në këto zgjedhje janë 166 kandidatë për postin e kryetarëve të komunave, 152 meshkuj dhe 14 femra.

Numri i kandidatëve për kuvende komunale është 5,198, prej tyre 3,261 meshkuj dhe 1,937 femra.

Numri i përgjithshëm i kandidatëve të certifikuar është 5,364.

Continue Reading

Kosova

​Glauk Konjufca: Sot është ditë e rëndësishme për demokracinë

Published

on

Kryetari i Kuvendit të Kosovës, Glauk Konjufca ka thënë se sot është ditë e rëndësishme për demokracinë.

Konjufca është deklaruar pasi ka votuar në Qendrën e votimit në Fakultetin e Edukimit në Prishtinë.

“Sot është ditë e rëndësishme për demokracinë meqenëse qytetarët e Kosovës përmes votës së lirë e demokratike do ta legjitimojnë pushtetin lokal në Republikën tonë, do t’i zgjedhin kryetaret e komunave dhe do ta përcaktojnë po ashtu përmbajtjen e asambleve komunale nëpër te gjitha komunat e shtetit tonë. Deri tash gjithçka ka shkuar mirë. Sipas KQZ-së dhe me sa po mësojmë prej misioneve të vëzhgimit dhe monitorimit të zgjedhjeve, urojmë që kështu të përmbyllet procesi e gjithçka të shkojë mirë e qytetarët t’i kenë ata të cilët e marrin pushtetin lokal sipas votës dhe besimit të qytetarëve të Republikës së Kosovës”, ka thënë Konjufca.

Continue Reading

Trending

Listen online now, the sound of Prishtina