Connect with us

Sport

Lingard dëshiron të largohet nga Manchester United

Published

on

Jesse Lingard dëshiron me çdo kusht të largohet nga skuadra e Manchester United në këtë janar, pavarësisht se ky i fundit shkarkoi trajnerin Ole Gunnar Solskjaer, raporton “MailOnline”.

Disa lojtarëve të Manchester United të cilëve nuk iu është dhënë minutazhë e mjaftueshme nën urdhrat e Solskjaer, si Donny van de Beek dhe Anthony Martial, iu është dhënë shpresë mbi të ardhmet e tyre në “Old Trafford” pas largimit të trajnerit norvegjez.

Sidoqoftë, Lingard, i cili ka arritur të bëjë vetëm një paraqitje në këtë sezon në Premier Ligën angleze dhe kontrata e të cilit skadon verën e ardhshme, ka vendosur që të largohet nga “Djajtë e Kuq” dhe është në kërkim të një klubi të ri në këtë janar.

Që prej transferimit te skuadra e Manchester United, Lingard ka arritur të bëjë 219 paraqitje për gjigandin anglez, duke regjistruar 35 gola dhe 21 asistime mbi emrin e tij.

Sport

Milani kërkon me çdo kusht kualifikimin, pret në shtëpi Liverpoolin

Published

on

Me fillim nga ora 21:00 do të fillojë derbi mes skuadrës italiane AC Milan dhe gjigandit anglez Liverpool, e vlefshme kjo për xhiron e gjashtë të fazës së grupeve në Ligën e Kampionëve.

Ndeshja e sotme do të jetë tejet e rëndësishme për “Rossonerët” ku vetëm fitorja ndaj Liverpoolit mund t’ia sigurojë biletën drejt eliminatoreve.

Po ashtu, Milani do të mbajë shpresa që takimi mes Portos e Atletico Madridit të përfundojë me barazim, në mënyrë që të sigurohet kualifikimi tutje.

Në xhiron e fundit, Milani shënoi fitore me rezultat minimal 1:0 kundër Atletico Madridit, kurse Liverpooli e mposhti me rezultat solid 2:0 skuadrën e Portos.

Momentalisht, pas pesë ndeshjeve të zhvilluara në Grupin B, Liverpooli veçse ka siguruar kualifikimin tutje, ku pozicionohet në vendin e parë me 15 pikë, kurse Milani zë vendin e tretë me gjithsej katër pikë, vetëm një sosh larg vendit të dytë Portos.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Milanin nuk do të paraqiten Calabria, Castillejo, Giroud, Kjaer, Leao, Pellegri, Plizzari dhe Rebic, kurse te Liverpooli do të mungojnë Elliot, Firmino, Jones dhe Milner.

Formacionet e mundshme të dy skuadrave i gjeni më poshtë.

AC Milan (4-2-3-1): Maignan; Kalulu, Tomori, Romagnoli, Hernandez; Kessie, Tonali; Saelemaekers, Diaz, Krunic; Ibrahimovic

Liverpool (4-3-3): Alisson; Williams, Konate, Van Dijk, Tsimikas; Morton, Henderson, Oxlade-Chamberlain; Salah, Origi, Minamino

Grupi B

21:00 AC Milan – Liverpool (Stadiumi San Siro)

Continue Reading

Sport

Me ceremoni shtetërore sot pensionohet Majlinda Kelmendi

Published

on

Xhudistja kosovare Majlinda Kelmendi edhe zyrtarisht sot do të pensionohet nga të gjitha aktivitetet e saj si xhudistë aktive.

Me këtë rast, do të organizohet një ceremoni nga presidentja e Kosovës Vjosa Osmani e cila do të mbahet ne Institutin “Ali Hadri” në Prishtinë, me fillim ne ora 18:00.

Majlinda pati arritje të mëdha në skenën botërore të xhudos ku gjatë karrierës së saj ka koleksionuar 46 trofe shumë të rëndësishme në këtë sport.

Kelmendi i ka fituar 32 medalje të arta në gara të mëdha të xhudos gjatë karrierës, 6 të argjendta dhe 8 të bronzta.

Ajo do të largohet pas një karriere jashtëzakonisht të shquar, si kampione olimpike, kampione botërore (2 herë) dhe kampione kontinentale (4 herë).

Kelmendi do të mbahet mend si njëra prej atleteve më të mira shqiptare, grua apo burrë, dhe si sportistja e parë që ia siguroi Kosovës një medalje olimpike, pasi e shkroi historinë në Rio 2016 kur e fitoi medaljen e artë në xhudo në kategorinë 52 kilogramë.

Së fundi ajo mori pjesë në Lojërat Olimpike Tokio 2020 ku pësoi disfatë dëshpëruese në rrethin e parë në kategorinë 52 kilogramë.

Ajo tashmë është angazhuar si trajnerë e këtij sporti përkrah trajnerit Driton Kuka.

Continue Reading

Sport

Manchester United me fitore kundër Arsenalit

Published

on

Manchester United ka shënuar fitore në ndeshjen kundër Arsenal, e vlefshme kjo për xhiron e 14-të Premier Ligës angleze.

Manchester United fitoi me rezultat të ngushtë 3:2 skuadrën e Arsenalit.

Ishte skuadra e Arsenalit ajo e cila kaloi në epërsi e para, ku mesfushori Emile Smith-Rowe shënon në minutën e 13’ për 1:0.

Manchester United gjeti golin e barazimit përmes mesfushorit ofensiv Bruno Fernandes, i cili shënon në minutën e 44′ të ndeshjes për 1:1.

Pjesën e dytë më mirë e nisi skuadra e United, ku e gjeti golin e epërsisë në minutën e 52’ përmes Cristiano Ronaldos, i cili po ashtu shënoi golin numër 800 në karrierën e tij.

Dy minuta më vonë Martin Odegaard barazon shifrat për Arsenalin në 2:2.

Golin e fundit në ndeshje, të fitores për United dhe numër 801 në karrierë e shënoi ylli portugez Cristiano Ronaldo, duke ia siguruar tre pikët skuadrës së tij nga pika e bardhë në minutën e 70’.

Me pikët e reja, Manchester United ngjitet në vendin e shtatë në tabelë me gjithsej 21 pikë të arkëtuara, dy më pak se kundërshtari i sotëm Arsenal që zë vendin e pestë në tabelë.

Rezultati final i ndeshjes është 3:2 në favor të Manchester United.

Continue Reading

Trending

Listen online now, the sound of Prishtina