Connect with us

Life

Gjeti gabime në Hyundai dhe Kia, shpërblehet me 24 milionë dollarë

Published

on

Një person është shpërblyer për gjetjen e gabimeve në veturat Hyundai dhe Kia.

Agjencia Kombëtare e Sigurisë në Trafikun e Autostradave të SHBA-së, ka paguar 24 milionë denoncuesin, i cili raportoi defekt në motorët Theta II.

Për shkak të një gabimi gjatë prodhimit, ka pasur rrezik për të shkaktuar zjarr në vetura.

Pas një marrëveshjeje me kompanitë për tërheqje të modeleve, NHTSA vendosi gjobë prej 210 milionë dollarësh për to, nga të cilat 81 milionë dollarët janë paguar tashmë.

Sipas statutit, NHTSA lejohet të paguajë sinjalizuesin deri në 30% të parave të mbledhura nga një gjobë prej më shumë se një milion dollarëshe.

“Sinjalizuesit kanë një rol kyç në informimin e NHTSA-së për çështjet e sigurisë që fshihen në agjenci”, tha Seven Cliff, zyrtar i NHTSA-së.

Life

Dita Ndërkombëtare e Aviacionit Civil

Published

on

Shënimi i Ditës Ndërkombëtare të Aviacionit Civil ndihmon në gjenerimin dhe përforcimin e ndërgjegjësimit botëror për rëndësinë e aviacionit civil për zhvillimin shoqëror dhe ekonomik të shteteve, si dhe rolin unik të Organizatës Ndërkombëtare të Aviacionit Civil (ICAO) për të ndihmuar shtetet që të bashkëpunojnë dhe realizojnë një transit të shpejtë global në shërbim të njerëzimit.

Ndërsa OKB ka miratuar Agjendën 2030 dhe ka filluar një epokë të re në zhvillimin e qëndrueshëm global, rëndësia e aviacionit si një motor i lidhjes globale nuk ka qenë kurrë më e rëndësishme për objektivat e Konventës së Çikagos për të parë fluturimin ndërkombëtar si një mundësuesi themelor për paqe dhe prosperitet në botë.

Çdo pesë vjet, që përkon me përvjetorët e ICAO 2014/2019/2024/2029 /etj., Këshilli i ICAO krijon një temë të veçantë përvjetori për Ditën Ndërkombëtare të Aviacionit Civil. Midis këtyre viteve të përvjetorit, përfaqësuesit e Këshillit zgjedhin një temë të vetme për periudhën e plotë ndërhyrëse katërvjeçare.

Këshilli ka vendosur që nga tani deri në 2023, tema do të jetë: “Avancimi i Inovacionit për Zhvillimin Global të Aviacionit”.

Dita Ndërkombëtare e Aviacionit Civil është themeluar në vitin 1994 si pjesë e aktiviteteve të 50-vjetorit të ICAO.

Asambleja e Përgjithshme e Kombeve të Bashkuara njohu zyrtarisht 7 dhjetorin si Ditën Ndërkombëtare të Aviacionit Civil në vitin 1996. 

Continue Reading

Life

Pesë gjërat që ju duhen për të qenë të lumtur në punë

Published

on

Të jesh i lumtur në vendin aktual të punës, nuk thjesht lumturi, nuk është as një fjali e thjeshtë t’i thuash dikujt “jam shumë e lumtur në punë”, por është shumë më shumë se kaq. Ka shumë përftime nga të qenit të lumtur në vendin e punës, përveç se nuk do të filloni të tmerroheni që do të shkoni të hënën në punë, kur e diela është në horizont.

Një studim nga Robert Half e cila i vlerësoi nivelet e lumturisë së në shumë se 12 mijë profesionistëve, tregon që punëtorët më të lumtur performojnë gjithashtu më mirë, kanë marrëdhënie më të ngushta me kolegët e tyre si dhe janë më shumë krenarë për atë se çfarë bëjnë, më shumë sesa kolegët e tyre që janë më pak të gëzuar. Kështu që, kur punonjësit janë më të emocionuar për punën që bëjnë, ata investojnë më shumë energji dhe kohë në punën e tyre.

Duhet të ndiheni të realizuar

Sipas gjetjes, përmbushja është një shtysë e fortë për punonjësit e lumtur nën moshën 35 vjeçar. Sepse, punonjësit duan të ndihen sikur kanë ndikim në kompani, që do të thotë se duhet të shohin rezultate në punë.

Çfarë duhet të bëni? Nëse po punoni në një projekt 6-mujor, bëni shënime të progresit çdo dy javë. Duke e parë që keni ecur përpara, do të ndiheni më me vetëbesim dhe do të shkëlqeni në pjesën tjetër.

Nëse e shihni që në punën aktuale nuk mund ta keni, gjatë kohës sa jeni në kërkim të punës së re, kërkoni për fjalët “qëllime”, “feedback të mirë” etj., në përshkrimet e punës. Por, edhe nëse shkoni në intervistë të punës, pyesni punëdhënësit se si ata i definojnë suksesin dhe si ai i shtynë punonjësit për të t’i arritur ato!

Ju duhet vlerësim edhe nga të tjerët

Ndjenja se jeni i vlerësuar, është shtysa e dytë më e madhe që punonjësit të jenë të lumtur. Njerëzit duan të ndihen sikur janë duke bërë punë të madhe. Kjo vjen në forma të ndryshme, si email falënderimi, promovim, apo edhe rritje të pagës.

Nëse nuk jeni duke e marrë këtë në vendin tuaj të punës, kjo nuk do të thotë domosdoshmërisht që nuk keni performancë të mirë. Punëdhënësit tuaj munden thjesht të mos jenë të mirë në komunikim me punonjësit. Çfarë duhet të bëni në këtë rast, është të kërkoni vazhdimisht “feedback” nga menaxherët tuaj.

Ndërsa, nëse jeni duke kërkuar punë dhe jeni thirrur në intervistë të punës, hulumtoni në mes të shoqërisë ose dikujt të njohur nëse kanë punuar në atë kompani! Nëse ata thonë që asnjëherë nuk janë falënderuar dhe vlerësuar për punën që kanë bërë, atëherë merreni seriozisht këtë.

Duhet t’i pëlqeni kolegët

Punonjësit të cilët kanë raporte të mira me kolegët e tyre të punës janë shumë herë më të lumtur sesa ata të cilët nuk i kanë, thuhet në gjetjen e faqes kërkimore. Po ashtu, edhe nga një anketë nga Gallup thuhet që shoqëritë e ngushta e rrisin kënaqësinë në punë deri në 50%.

Për të nxitur raporte të mira më kolegët, kërkoni nga ata të dini më shumë në lidhje me ta, jo vetëm çështje të biznesit. Për shembull, a mbajnë kafshë shtëpiake, cila kafshë iu pëlqen, çfarë hobish kanë e të tilla të ngjashme. Tregoni interes të madh rreth asaj që ata e duan dhe ju pëlqen, por edhe lini që kjo të kuptohet prej anës së tyre!

E nëse ende nuk jeni të punësuar, ose jeni duke kërkuar punë, pyesni intervistuesin se cila është fryma e ekipit, a janë të shoqërueshëm!

Ju duhen disa nivele të autonomisë

Sipas raportit të lartpërmendur, lumturia lidhet edhe me atë se sa punonjësit mund t’i marrin disa vendime vetë. Kështu që, për të pasur më shumë pavarësi në punë, mirëpo shefi juaj është mikromenaxher, mënyra më e mirë është të krijoni besim është t’i dërgoni raporte në mënyrë të rregullt.

Po ashtu, nëse ende nuk keni gjetur punë, atëherë është koha që kur i takoni intervistuesit të pyesni për këtë pjesë.

Duhet të jeni pjesë e diçkaje që ju bën krenarë

Punonjësit të cilët janë krenarë me vendin ku punojnë, ka shumë herë më shumë mundësi për të qenë më të lumtur. Kjo shkon përtej krenarisë, në atë që aktualisht jeni duke dhënë, por krenaria në kompaninë tuaj dhe gjithçka që ka të bëjë me të, bën që punonjësit të përshtaten kulturalisht. Kjo madje është edhe top prioriteti i punëkërkuesve të mijëvjeçarit.

Për shumë, puna në një korporatë të njohur botërisht i bën më me vetëbesim dhe të lumtur, sesa sikur të kishin punuar në një biznes lokal.

Tashmë që i dini se cilat janë arsyet që ju bëjnë të lumtur ne vendet tuaja të punës, është koha që ta përmirësoni atë, ose gjatë kohës sa jeni në kërkim të punës, t’i keni parasysh!

Continue Reading

Life

​13 shprehitë efikase të komunikimit që duhet t’i kenë liderët

Published

on

Udhëheqësit janë atë të cilët e mbajnë barrë më shumë mbi supe. Kjo do të thotë që kur udhëheqësit nuk janë të mirë, as punonjësit nuk do të jenë në lartësinë e duhur, për shkak se do të jenë brenda një hapësirë që ka shumë rrugë dhe nuk e dinë se nga e cila duhet ta fillojnë. Prandaj, pa një udhëheqës të mirë i cili është i shkëlqyer në komunikim për të biseduar, për të ndarë ide ose për të zgjidhur mosmarrëveshje, edhe punonjësi shembullor nuk do të jetë në gjendje ta tregojë maksimumin e tij.

Andaj, Akademi Pune sjellë 13 shprehi që komunikuesit e zotë duhet t’i kultivojnë për të pasur sukses gjatë karrierës së tyre. Edhe nëse nuk e shihni veten si komunikues të lindur, mos u brengosni! Praktikimi dhe zhvillimi i zakoneve mund t’i lartësojnë aftësitë dhe t’jua rrisnin vetëbesimin me kalimin e kohës.

Ruajtja e kontaktit me sy

Kur liderët flasin me kolegët dhe anëtarët e ekipit, duhet të kenë kontakte me sy gjatë diskutimeve. Kur e shikoni dikë në sy, kjo tregon që po i jepni vëmendje bisedës dhe ndihmon që ta zhvilloni kontaktin me sy. Cili është përfitimi tjetër i kontaktit me sy? Lideri që bën shikime me sy tregon më shumë vetëbesim duke i bërë punonjësit që të besojnë më shumë në të.

Mendoni gjuhën e trupit

Shumë liderë e harrojnë gjuhën e tyre të trupit kur komunikojnë. Për shembull, një udhëheqës i cili kalon me duar të kryqëzuara kur flet me anëtarët e tjerë të ekipit mund të mos duket i hapur ndaj ideve të reja.

Për të mësuar më shumë në lidhje me gjuhen e trupit lexoni artikullin: 7 shenjat e gjuhës së trupit të cilat ju ndihmojnë të keni sukses në karrierë

Ndërtimi i besimit me kolegët

Suksesin e liderëve e ndërtojnë shumë gjëra të, por një është themeli i një udhëheqjeje të suksesshme dhe ky është besimi. Për këtë liderët duhet t’i përputhin sjelljet e tyre me fjalët. Nëse ka shpërputhje në mes të fjalëve dhe veprave, atëherë do të jetë e vështirë për të besuar në ta. E nëse kjo ndodhë, udhëheqësit duhet menjëherë të marrin masa. Mënyra më e mirë për liderët është vetëm të komunikojnë rreth çështjeve të veçanta, kur janë të sigurt që shprehitë e tyre përputhen me mesazhin e komunikuar.

Thjeshtësimi i çështjeve të ndërlikuara

Anëtarët e ekipit mund të marrin informata të vazhdueshme nga burime të ndryshme, duke e bërë më të vështirë që të ndiqet komunikimi. Për ta nxitur efikasitetin e komunikimit, liderët duhet që ta thjeshtëzojnë mesazhin. Ata liderë që arrijnë ta bëjnë shumë të kuptueshëm një strategji shumë komplekse, bën që të ketë shumë më komunikim të duhur brenda kompanisë. Kur komunikojnë me anëtarët e grupit është mirë që të largohen termat teknikë, në mënyrë që mesazhi të kuptohet dhe të arrihet si i pastër.

Gjeni zërin e duhur

Udhëheqësit duhet ta gjejnë një gjuhë e cila i përfaqëson. Vlerat e tyre duhet të reflektohen në komunikim. Edhe pse disa udhëheqës mendojnë dhe e përdorin një zë më elokuent, më mirë është që të përdoret një gjuhë më e thjeshtë. Përdorimi i kësaj gjuhe dhe gramatika e mirë, krijojnë një mesazh origjinal ndaj të cilit ekipi reagon pozitivisht. Mënyra më e mirë për ta ditur që komunikimi është efektiv është kur vetë anëtarët fillojnë që t’i përdorin ato fraza.

Bëhuni të dukshëm

Liderët e mirë duhet të jenë në lëvizje, të bashkëveprojnë me anëtarët e ekipit dhe jo të rrinë prapa kompjuterit të tyre gjatë gjithë kohës. Mbase komunikimi me shkrim mund të mos mungojë, por nuk është i njëjtë si ai ballë për ballë. Duke pasur bashkëveprim gjatë gjithë kohës, i len punonjësve të kuptojnë që liderët janë të interesuar për ta dhe dëshirojnë që të ndërtojnë lidhje me ta. E kjo i bën ata të jenë më të motivuar për objektivat e punës.

Nxitja e komunikimit gjatë kohës së ndryshimeve

Nëse një organizatë është e zënë duke u ristrukturuar mund të jetë shumë ndihmëse nëse lideri kërkon nga punonjësit “feedback”, duke përfshirë pyetje dhe komente në lidhje me procesin e ristrukturimit. Ata mund t’i përdorin këto informacione për të zhvilluar rrugë për t’i adresuar çështjet e punonjësve. Këta të fundit, do t’i vlerësojnë mundësitë për t’u dëgjuar dhe të jenë në rrjedha me procesin e strukturimit të kompanisë.

Të qenit grumbullues

Që liderët t’i kuptojnë çështjet e punonjësve të tyre duhet t’i vëzhgojnë me sytë e tyre dhe të dëgjojnë me veshtë e tyre. Komunikimi efikas është komunikim dyanësh. Kur ata bëjnë pyetje duhet të ndalen t’i dëgjojnë përgjigjet dhe të bëjnë pyetje shtesë në mënyrë që t’i sqarojnë të gjitha pikat interesante. Kur praktikohet dëgjimi aktiv, punonjësit do të ndihen më të respektuar dhe të dëgjuar, gjë që do ta lehtësojë procesin e vendimmarrjes.

Përshtatja e mesazhit

Lideri i mirë e përshtat mesazhin e tij me audiencën. Kompanisë i duhet një lider i cili mund t’i motivojë punonjësit e tij. Duke i dhënë një qasje të përshtatshme të komunikimit dhe duke e udhëhequr atë me efikasitet është themelore dhe komunikim i fortë për ekipin.

Komunikim i qartë i qëllimeve dhe i detyrave

Çfarë duhet të bëjnë tjetër liderët? Ata krijojnë udhëzimi dhe drejtime për ekipin e tij. Për të qenë efektive në komunikimin e qëllimeve dhe detyrave, liderët duhet të komunikojnë në mënyrë të vazhdueshme dhe të qartë. Ata duhet t’i ndajnë pritshmëritë e tyre për t’u siguruar që ekipet e tyre e dinë se çfarë duan. Kështu që, në mënyrë që të sigurohen që e gjithë ekipi po e kupton mesazhin e liderit të tyre, ata duhet të përdorin metoda të ndryshme komunikimi. Për shembull, ata e shpjegojnë në një takim projektin dhe objektivat e tij, mirëpo më pas shkruajnë edhe email duke dhënë detaje të tjera.

Lidhja me të gjitha nivelet e kompanisë/organizatës

Për të qenë një komunikues efikas, një lider duhet të lidhet me anëtarët e të gjitha nivele të kompanisë. Kur lideri komunikon drejtpërdrejt me të gjitha nivelet e stafit, ata sigurohen që janë të hapur të ndajnë mesazhe në të gjithë kompaninë.

Të jenë transparentë

Liderët nganjëherë i shmangin diskutimet e situatave të vështira me ekipet e tyre, sidomos kur nuk janë të sigurt se si duhet të përgjigjen. Shembujt e sfidave si rezultatet e financave dhe gabimet e menaxhimit mund të jenë zhgënjyese. Disa udhëheqës zgjedhin të mos komunikojnë në lidhje me këto çështje me ekipet e tyre dhe, kjo rezulton në humbjen e sigurisë dhe besimit në ta. Në vend të kësaj, liderët duhet të jenë të hapur me anëtarët e skuadrës së tyre rreth situatave të vështira.

Është njerëzore që nganjëherë të mos dini të përgjigjeni, prandaj, pranojeni këtë kur ju bëjnë ndonjë pyetje dhe tregoni që do ta merrni informacionin e duhur sa më shpejt që të jetë e mundur! Grupi do ta vlerësojë sinqeritetin dhe do t’ju respektojnë edhe më shumë, kur të jeni kaq të hapur.

Komunikimi me energji pozitive

A e dini që energjinë e fuqishme që kanë liderët mund ta transmetojnë të ekipi i tyre? Anëtarët e skuadrës duan më shumë se gjithçka tjetër ta dëgjojnë një lider që ka entuziazëm. Për shembull, nëse ekipi ende nuk i ka plotësuar objektivat, por lideri i tyre flet në mënyrë pozitive me progresin që kanë bërë, kjo do t’i shtyjë ata që punojnë më shumë dhe t’i arrijnë ato.

Continue Reading

Trending

Listen online now, the sound of Prishtina